आमा छोराको सपना

धेरै हेर फेर गर्नू छैन जिन्दगीमा, केबल....

 जागिरबाट पाएको पहिलो तलबले आमासंग मुक्तिनाथ हेर्नु छ ।

बर्साै देखिको आमाको फाटेको सारी फेर्नु छ ।।

मेरा लागि गरेको दुःख रोक्दै, अव आमाको जिवन शैली फेर्नु छ ।।।

दुःख र सपनाले भरिएका आमाको अनुहारमा चम्किलो प्रकाश झल्केको हेर्नुछ ।।।।

शिशिरे जाडोमा फुटेको उनका हातहरुमा मलम लगाई छाला फेर्नु छ ।।।।।

म भन्दा मेरी आमा खुसी हुनेछिन,

फोन गरेर आमा मैले जागिर पाएँ भन्दा,

आँशु बर्रर हुनेछन उनका,

आजबाट काममा लाएँ भन्दा ।।।।।

आफ्नो भन्दा पनि छोराले दुःख पायो भन्ने छ उनलाई,

मलाई मेरो जागिर भन्दा पनि मलाई जागिरले दिने खुसी महत्वपुर्ण छ ।  जुन आमाको अनुहारमा दखिन्छ । त्यो खुसी चाँढै देख्न पाउँ ।