प्रकृतिवाट
घाम पनि विहानै देखि पारीलो हुँदै आएको छ, हिमालमा हिउँक फेदै सम्म देखिन थालेको छ, पश्चिम तर्फवाट सर्रर हावा वहेको छ मडारिँदै गढारिँदै डाँडाकाडाँमा धसारीँदै हिड्ने बादलहरु पनि आफ्नो बाटो लागेका छन्, धानको बारिमा लचप्प सित परेर पसी साध्य छैन, रुखहरुमा पात झपक्क भएर निल परेको छ, बाँसको झुप्पाहरु चहै चहै मच्ची रहेका छन, बारीमा कोदाको गुथा लह लह मच्चेका छन, आगनीको डिलैमा भएको तुलसीलाइ हेर्दै राता पहेँला फुलहरु गफ गर्दै रहेका छन, अनि सयपत्री पनि हतारीँदै गुथ्थाउने तयारीमा छन भने त्यो दशैँ आगमनको संकेत हो ।
पशुपन्छीवाट
ढुकुर विजुलीको पोलमा बसेर कुर कुर गर्दै कुर्लीरहेको छ, आकाशमा कराङ्गकुरुङ्ग चराहरु ताँती लागाएर उडिरहेका छन, चौरहरुमा दशैँ चराहरु चर्न थालेका छन, परेवाहरु धुरीमा बसेर गित गाउँदै नाच्दै ताली बजाउँदै टाढा टाढा सम्म उडिरहेका छन, अनि वरिपरि खसिबोकाको आवाजहरु गुन्जीन थालेको छ, भने त्यो दशैँ आगमन संकेत हो ।
मानिसहरुवाट
सुनसान घरहरुमा बाबु कहिले आउँछस भन्दै फोन गरेको सुनिन थालेको छ, पँधेरामा पनि कहिले को आउँदैछ भन्ने कुरा चल्न थालेको छ, मैदानमा दिउसो र बेलुका गरी दिनमा ३ वटा बसहरु आउन थालेका छन कोही आगनीको डिलबाट मैदान तर्फ को को आएछन भनि चिहाउन थालेका छन अनि मान्छेहरु बस वरिपरि भेला भएको देखिन थालिएको छ, केही समय पछि झोला काँधमा हालेर उकालो लाग्ने गरेको दृष्य देखिन थालेको छ, बच्चा बच्चाहरु एक आपसमा उल्लासिएका छन अनि कोहि नयाँ कपडामा पनि देखिन थालेका छन, लट्टाइ समाएर चंगा माथि माथि आकाशमा पुर्याउने होडबाजी चलेको छ । कोहि युवाहरु डोरी बाट्ने सुरसारमा घर घरबाट बावियोको चुल्ठा बटुल्दै र कोहि झुप्पै सहितको बाँस बोकेर चौर सम्म पिन हाल्ने तयारीमा छन । चौतारीमा खर...खर... खोरखोरे घोलेको आवाज घन्कीएको छ अनि युवाहरु चौतारी मुनी झुप्प गोलो लगाएर खेल्दै खोरखोरको आनन्द लिइरहेका छन । घर घरमा सवैजना धर्मधुस लगाएर भित्ताहरु रातो माटोले लिप्दै छन । बुढाहरु दशैँको खसिका जोगो गर्ने सल्लाह गर्दै छन भने त्यो पनि दशैँको आगमनको संकेत हो यो ।
